Saytda qanday ro'yxatdan o'tish mumkin?

EGRIS ilovasini yuklab olgandan so‘ng, bosh ekranda «Ro‘yxatdan o‘tish» tugmasini bosing.

Ma’lumotlarni to‘ldirish

Kerakli ma’lumotlarni kiriting:

• Foydalanuvchi nomi — 5 dan 20 tagacha belgi, faqat lotin alifbosidan foydalaniladi.
• Parol — kamida 9 ta belgidan iborat bo‘lishi, jumladan kamida 1 ta raqam va 1 ta maxsus belgini o‘z ichiga olishi kerak.
• Rezident — telefon raqamingizni kiriting.
• Norezident — elektron pochta manzilingizni kiriting.

Muhim: rezidentlar uchun elektron pochta manzilidan tashqari barcha maydonlar majburiy hisoblanadi. Davom etishdan oldin kiritilgan ma’lumotlarning to‘g‘riligini tekshiring, rozilik belgisini qo‘ying va «Davom etish» tugmasini bosing.

Kontakt ma’lumotlarini tasdiqlash

Ma’lumotlarni to‘ldirgandan so‘ng, sizga bir martalik kod (OTP) yuboriladi.

Ro‘yxatdan o‘tishni davom ettirish uchun olingan kodni kiriting.

• Agar kod kelmasa, yangi kodni 1 daqiqadan so‘ng qayta so‘rash mumkin.
• Kodning amal qilish muddati — 10 daqiqa.

Shartlarga rozilik berish

Shartlarga rozilik berish belgisini qo‘ying va «Davom etish» tugmasini bosing.

Shaxsni tasdiqlash

Rezidentlar uchun:

Shaxsni tasdiqlash MyID orqali amalga oshiriladi:

1. Pasport ma’lumotlarini kiriting.
2. Ma’lumotlarning hujjatdagi ma’lumotlarga mosligini tekshiring.
3. Ma’lumotlarni tekshiruvga yuboring.

Norezidentlar uchun:

Ro‘yxatdan o‘tish jarayoni shunga o‘xshash tarzda amalga oshiriladi, biroq telefon raqami o‘rniga elektron pochta manzili ko‘rsatiladi, shaxsni tasdiqlash esa Sumsub orqali amalga oshiriladi.

Muhim: shaxsni tasdiqlash majburiy bosqich hisoblanadi. Tekshiruvdan muvaffaqiyatli o‘tmasdan EGRIS’da ro‘yxatdan o‘tish yakunlanmaydi.

Agar ro‘yxatdan o‘tish yoki shaxsni tasdiqlash jarayonida qiyinchiliklarga duch kelsangiz, EGRIS qo‘llab-quvvatlash xizmatiga quyidagi manzil orqali murojaat qiling: egris.uz/web/profile